बिबी येथील एका समाजातील व्यक्तीची गाय दुसऱ्या समाजातील व्यक्तीच्या शेतात चरण्यासाठी घुसली होती. त्यावरून उभय गटामध्ये वाद उफाळला. वादाची व्याप्ती वाढण्याची शक्‍यता पाहता पोलिसांनी दंगल नियंत्रण पथकास पाचारण केले.जमावाला पांगविण्यासाठी पोलिसांना सोम्य लाठीचार्ज करावा लागला. सोबतच पोलिसांनी सदर घटनेच्या ठिकाणी सर्च ऑपरेशन केले असता,आरोपींच्या घरामध्ये सुरा,चाकू, कोयता आधी शस्त्रे आढळून आली.यावरून पोलिसांनी शिवीगाळ करणे,मारहाण करणे,गैरकायद्याची मंडळी जमवून कायदा व सुव्यवस्थेचा भंग होईल असे वर्तन करणे तसेच आर्म ॲक्ट अंतर्गत गुन्ह्याची नोंद करून आरोपींना अटक केली आहे. दरम्यान येथे तूर्तास तणावपूर्ण शांतता असून परिस्थिती नियंत्रणात असल्याचे ठाणेदार सचिन यादव यांनी सांगितले.